Array ( [mr_id] => 87150 [mr_node] => 76782 [mr_media] => 76937 [mr_field] => image [mr_order] => 0 [media_id] => 76937 [media_album] => 1 [media_path] => media/2019/10/76937.jpg [media_name] => image.jpg [media_type] => 0 [media_creation_date] => 2019-10-09 17:46:15 )
Facebook Instagram Youtube
WCIT 2019. Հարցազրույց VaynerX ընկերության նախագահ, գործարար Գերի Վայներչուկի հետ
Գերի Վայներչուկը VaynerX ընկերության նախագահն է: Նա Հայաստանում է՝ մասնակցելու WCIT 2019 համաժողովին:

-Ողջույն, Գերի:
-Ողջույն, ինչպե՞ս եք:

-Հոյակապ, շնորհակալ եմ: Դուք առաջին անգամ եք Հայաստանում, ի՞նչ տպավորություններ ունեք Հայաստանից և WCIT-ից:

-Համաժողովն իրոք աննկարագրելի է: Հետաքրքիր էներգիա կա, տեխնոլոգիաների մասին հետաքրքիր քննարկումներ: Ես ծնվել եմ Սովետական Բելոռուսիայում: Ու երբ տեսնում եմ թե ինչքան ջերմություն, աննկարագրելի լավատեսություն, էներգիա և ձգտում կա, մնում է միայն ուրախանալ:

-Չկա մի երկիր, որ չի ցանկանում ունենալ կամ դառնալ հաջորդ Սիլիկոնային հովիտը: Ի՞նչ է պետք Հայաստանին համաշխարհային IT հսկաներին գրավելու համար:

-Պատասխանը շատ հեշտ է, եթե ուզում ես գրավել համաշխարհային IT հսկաներին, ապա պետք է վերջ տաս հարկերին: Եթե ուզում ես հենց Հայաստանում ձևավորված տաղանդ, օրինակ` ինչպես Շվեդիան ստեղծեց Սփոթիֆայը: Նման համաժողովները ինովացիոն ձեռնարկատերերին օգնում են, որ հաջողության հասնեն: Ու կարծում եմ, որ նոր վարչակազմը իսկապես կենտրոնացած է սրա վրա: 

-Ո՞ր դեպքում Հայաստանում բիզնես կսկսեք:

-Կարծում եմ, որ այստեղ շատ տաղանդներ կան, ինչը Ամերիկայի կամ Եվրոպայի համեմատ կարող է ավելի էժան լինել: Դա իսկապես կարող է նպատակահարմար լինել: Չեմ ասի, որ ինձ համար Հայաստանը համար 1-ն է, բայց բիզնես սկսելու համար, հարկային սուբսիդիաներն ու ցածր գները կարող են գրավել մարդկանց: Այստեղ իսկապես տաղանդավոր մարդիկ կան: 

-Ձեր ելույթներում հաճախ եք ասում, որ կարևորը սեփական բրենդ ունենալն է: Իսկ եթե դեռ չես ստեղծել բրենդը, կամ այն ստեղծման փուլում է, ի՞նչ արժեքների վրա է պետք ուշադրություն դարձնել: 

-Առաջին հերթին պետք է լավ ճանաչես ինքդ քեզ ու քո կազմակերպությունը: Ինչի՞ն ես ձգտում: Ո՞րն է այդ բրենդը ստեղծելու շարժառիթը: Իսկ երկրորդ փուլում պետք է մտածել այն ստեղծագործ դարձնելու մասին: Յութուբը, ֆեյսբուքն ու ինստագրամը Հայաստանի թոփ 6 ամենաշատ օգտագործվող ցանցերն են: Օրինակ վերցնենք.. ինձ դուր է գալիս ձեր պիջակը: Եթե այն արտադրված լիներ Հայաստանում դուք կխոսեիք դրա որակի կամ ոճի մասին: Հենց որևէ բան ես ստեղծում, առաջինը պետք է հաշվի առնես որակն ու ոճը: Արժե այսքան վճարել սրա համար, գուցե այն սահմանափակ քանակով է արտադրվել: Բայց հենց, որ որոշում ես կայացնում ու ստեղծում ես բովանդակություն ու այն տարածում ես նշածս երեք հարթակներում, այդ ժամանակ դու հասկանում ես բրենդիդ իրական արժեքը: - Մի անգամ ասել էիք, որ օրը 3 ժամ զրուցում եք 3 տարբեր հաճախորդների հետ ու նրանց համոզում տեղափոխել իրենց գովազդները հեռուստատեսությունից ու տեղադրել սոցիալական կայքերում: Բայց հիմա կա նեթֆլիքս, HBO, apple tv: Այս պարագայում ի՞նչ է լինելու հեռուստատեսության ապագան:

-Ավանդական հեռուստատեսությունը մեծ խնդրի առաջ է կանգնած:

-Այն մեռա՞ծ է

-Չգիտեմ, չեմ կարող ասել մեռած է թե ոչ, որովհետև այն սպառում են, բացի այդ բրենդերը շարունակում են ավելի շատ գումար ծախսել գովազդների վրա: Դրա համար այն մեռած չէ: Բայց Յութուբը, ամազոնը, նեթֆլիքսը :

-Նկատի ունեք այն կորցնու՞մ է իր ուժը:

- Վայրկյան առ վայրկյան:

-Սոցիալական կայքերում օգտատերերին մտահոգում է անձնական տվյալների պաշտպանությունը: Ի՞նչ կլինի հետո: 

-Մարդիկ անհանգստացած են իրենց տվյալների գաղտնիությամբ , բայց սոցիալական կայքերը մնում են իրենց բարձունքին: Մարդիկ մի բան ասում են, բայց մեկ այլ բան՝ անում:

-Տվյալների պաշտպանությունից բացի կա մեկ այլ բան, որը կարելի է ասել անկառավարելի է: Ֆեյքերը: Հայաստանում դրանք տարածված են: Օրինակ կարող ես տեսնել ինստագրամի էջ, որը միլիոնավոր հետևորդներ ունի, բայց ֆեյք է: Մեկ օգտատերը կարող է 50 կամ 500 ֆեյք ունենալ: պե՞տք է պատերազմ մղել ֆեյքերի դեմ: 
-Միայն այն փաստը, որ նրանք ֆեյք են..... ես կարծում եմ մենք թերագնահատում ենք մարդկային կարողությունները: Մարդիկ են ստեղծում այդ ֆեյքերը: 

-Բայց ստացվում է, որ մի հոգին կարող է միլիոնավոր ֆեյքեր ունենալ: Ու բոլորը կառավարում է մեկ հոգի: 

-Իսկ ի՞նչ բնույթի ֆեյքեր են: Նկատի ունեմ մեդիա էջե՞ր են:

- Խոսքը անձնական էջերի մասին է, բայց ֆեյք էջերի:

- Բայց ինչով են դրանք խանգարո՞ւմ: Դա ոչ մեկի չի վնասում այնքան, ինչքան այն մարդուն ում պատկանում են այդ բոլոր ֆեյքերը: Հասկանո՞ւմ եք ինչ նկատի ունեմ: Ֆեյքը կհամարվի ֆեյք, եթե դուք չիմանաք, որ դրանք իրականում ֆեյք են: Երբ դուք արդեն հասկանում եք, որ դա ընդամենը կեղծ էջ է, ապա կորում է ամբողջ հետաքրքրությունը: Սա շատ կարևոր բան է: Ինձ ասում են, հեյ Գերի, այսինչ մարդը միլիոնավոր հետևորդներ ունի: Եվ հետո՞, ինձնից չեն տարել այդ հետևորդներին: 

- Եթե ես ունեմ բրենդ ու ցանկանում եմ այն գովազդել սոց կայքերում: Ինչի՞ց պետք է սկսել: Ինստագրամ, թե ֆեյսբուք: 

-Առաջինը պետք է բովանդակություն ստեղծել:

-Իսկ ինչպե՞ս ճիշտ կողմնորոշվել սոցկայքի ընտրության հարցում:

- Երկուսն էլ: Եթե դու Հայաստանում ես , ուրեմն պետք է լինես և՛ ֆեյսբուքում, և՛ ինստագրամում: Յութուբում էլ: Թվիթեր չեմ ասում, որովհետև Հայաստանում այն տարածված չէ:

-Ճիշտ եք, այստեղ այն այդքան էլ մեծ տարածում չունի:

- Գիտեմ, տեսել եմ ցուցանիշները: Օգտատերեր կան, բայց այնքան շատ չեն ինչքան ֆեյսբուքում կամ ինստագրամում: Ֆեյսբուք, յութուբ, ինստագրամ, սրանք պահանջներ են: Ոչ թե սրանցից ինչ-որ մեկը, այլ բոլոր երեքն էլ:

- Գերի, շնորհակալ եմ հետաքրքիր զրույցի համար:

-Շնորհակալ եմ: